Det er ei svært spennande tid for Voss Hang- og Paragliderklubb når vi no kan dele at vi søkjer etter ein ny dagleg leiar.
Bakgrunnen er at eg som dagleg leiar har takka ja til stillinga som fagsjef i Hang-, Para- og Speedgliderseksjonen i NLF. I byrjinga av oktober lyste NLF ut at dei søkte interesse for denne stillinga, og i slutten av forrige veke var det klart. Klubbstyret ynskjer difor å få på plass ein ny person i stillinga snarleg. Vi vil legge til rette for opplæring og overlapp med noverande dagleg leiar, og har difor sett relativt kort søknadsfrist for å gi best mogleg føresetnadar for dette.
Eg vil takke medlemmar og ressurspersonar i tidlegare og noverande verv for støtte, innstats, innspel og engasjement gjennom desse 3,5 åra. Det er heilt tydeleg at klubben og miljøet på Voss har bidratt til å gjere denne tida veldig lærerik og utviklande for meg både profesjonelt og personleg. Eg er heller ikkje i tvil om at det er riktig tidspunkt å overlate stillinga til nokon andre, som med eit litt anna blikk kan jobbe for å få ut endå meir av potensialet som finst i klubben og på Voss. I tillegg har vi eit styre som følger med og stiller opp, solid kompetanse i tryggleiksgruppa og ein engasjert og dyktig instruktørstab. Då er det ekstra motiverande å vite at eg får halde fram med å jobbe for sportane og alle klubbars utvikling. Det er vemodig, stas og spennande. Tusen takk for tillit, støtte og mykje moro!
Ei ny stilling kjem med audmjukheit, nysjerrigheit og pågangsmot. blir mykje å lære, og eg er klar å brette opp armane med innsats frå Møllergata 39 frå og med februar. Les meir om tankar om fagsjefstillinga.
Vil du drive utvikling av luftsportmiljøet på Voss?
Voss Hang- og Paragliderklubb søkjer dagleg leiar i 100 % stilling
Er du ein engasjert og initiativrik person som trivst med menneske, organisasjonsarbeid og utvikling? Vil du vere med og skape aktivitet, fellesskap og gode opplevingar i eit av Noregs største luftsportmiljø?
Voss Hang- og Paragliderklubb (Voss HPK) søkjer ein dagleg leiar som vil bidra til å vidareutvikle klubben og det lokale flygemiljøet. Vi er ein aktiv klubb med eit stort og mangfaldig medlemsmiljø, engasjerte frivillige og eit breitt aktivitetstilbod. Klubben har ei sentral rolle i luftsportmiljøet på Voss og arbeider for å skape gode rammer for både nye og erfarne pilotar. Som dagleg leiar blir du ein viktig pådrivar for klubben si vidare utvikling. Du skal bidra til eit inkluderande, trygt og levande miljø der medlemmane trivst, utviklar seg og får gode moglegheiter til å utøve sporten sin.
Om stillinga
Som dagleg leiar får du ei variert og sjølvstendig rolle med stor moglegheit til å påverke både eigen arbeidskvardag og utviklinga av klubben.
Du vil arbeide tett med styret, fagleg leiar og tryggleiksgruppa, instruktørar, frivillige og medlemmar. Saman skal de vidareutvikle aktivitetstilbodet, styrkje fellesskapet og leggje til rette for eit aktivt og berekraftig flygemiljø. Arbeidskvardagen er prega av variasjon, samarbeid og høgt engasjement. Du får kombinere administrativt arbeid med praktisk tilrettelegging, prosjektutvikling og kontakt med menneske som brenn for sporten.
Arbeidsoppgåver
- Leie og vidareutvikle den daglege drifta av klubben
- Vere ein pådrivar for eit aktivt, inkluderande og engasjerande medlemsmiljø
- Utvikle kurs, aktivitetar, møteplassar og tilbod som skaper verdi for medlemmane
- Leggje til rette for rekruttering, opplæring og vidare utvikling av pilotar
- Planleggje og koordinere kurs, arrangement og andre aktivitetar
- Støtte og samarbeide med instruktørar, frivillige, fagleg leiar og tryggleiksgruppa
- Ha ansvar for administrasjon, økonomioppfølging og rapportering
- Utvikle samarbeid med lokale aktørar, organisasjonar og offentlege instansar
- Arbeide med prosjekt, finansiering og langsiktig utvikling av klubben
Kven ser vi etter?
Vi ser etter ein person som likar å ta initiativ, samle menneske og omsetje idear til handling.
Du er engasjert, løysingsorientert og trivst i eit miljø der aktivitet, frivillig innsats og samarbeid står sentralt. Du evnar å sjå både heilskapen og behova til den enkelte, og motiverast av å skape noko saman med andre.
Vi ønskjer at du har:
- Gode evner til å samarbeide og å byggje relasjonar
- Erfaring frå luftsport er positivt, eventuelt ilag med organisasjonsarbeid, leiing, administrasjon og prosjektarbeid
- Struktur og gjennomføringsevne
- God økonomisk og organisatorisk forståing
- Evne til å arbeide sjølvstendig og ta ansvar
- Gode kommunikasjonsevner på norsk og engelsk
Erfaring frå idrett, frivillig arbeid eller luftsport er ein fordel, men ikkje eit krav. Vi legg stor vekt på personleg eignaheit, engasjement og motivasjon for å utvikle klubben.
Kva kan vi tilby?
Hos oss får du meir enn ein tradisjonell kontorjobb.
Du blir ein del av eit sosialt, aktivt og engasjert luftsportmiljø med menneske som deler gleda over flyging, naturopplevingar og fellesskap.
Vi tilbyr:
- Eit inspirerande og utviklande arbeidsmiljø med stort engasjement
- Moglegheit til å forme og vidareutvikle eit av Noregs største luftsportmiljø
- Ein variert arbeidskvardag med stor grad av sjølvstende og fleksibilitet
- Tett samarbeid med dyktige instruktørar, frivillige og andre ressurspersonar
- Rom for eigne initiativ, nye idear og fagleg utvikling
- Ei meiningsfull rolle der arbeidet ditt har direkte verdi for medlemmane og lokalmiljøet
- Løn og arbeidsvilkår etter avtale
Praktisk informasjon
Stilling: Dagleg leiar, 100 % fast stilling. Styre har moglegheit for å gjere tilpassing i stillingsskildring og storleik basert på kandidat og kompetanse.
Arbeidsstad: Voss
Arbeidstid: Fleksibel, med noko arbeid på kveld og helg i høgsesongen
Tiltreding: Snarast mogleg, etter avtale
Søknadsfrist: 13. november 2026
Søknader blir vurderte fortløpande, og aktuelle kandidatar kan bli kalla inn til intervju før søknadsfristen.
Slik søkjer du
Send søknad og CV til stillingar@vosshpk.no.
For spørsmål om stillinga, kontakt Malene Hetle Hole på malene@vosshpk.no eller tlf.: 90508620
Vil du vere med og skape framtida for luftsportmiljøet på Voss? Vi vil gjerne høyre frå deg!
Voss Hang- og Paragliderklubb
www.vosshpk.no